香港最多人著既運動品牌

返左黎香港已經差唔多有一年時間, 我發現左一樣好特別而完全唔係新鮮既'潮流', 唔知大家有無察覺到.

我一直以黎都認為, 覺得, 兼且全球統計 - Nike係全球最多人著既運動品牌. 我咁講應該無人反對掛? 但係如果我話Adidas有可能係香港最多人著既運動品牌, 你地又點睇?
點解我咁講? 大家有無發覺其實差唔多每一個黑社會人仕, 無論咩年紀都會有一件黑色Adidas褸既呢? 唔係, 唔係, 唔應該咁講. 應該話你冬天落街見到個人個樣比較惡, 你望一望佢身上著個件衫多數都會係Adidas褸! 又或者可以咁講, 你好多時候見到有個人著住黑色Adidas褸, 你望一望佢, 可能你會覺得佢係個飛仔.

加上Adidas既次貨大行其道, 近年流行既Adidas女裝同網球套裝, 你話Adidas係香港最受歡迎啦?

大家可以留意下!