Sneaker Talk 2 - Recent Additions

又到左'Sneaker Talk'既時間啦! 今次我要講下最近既'入手'! 見咁耐無用中文,今次用中文啦!

Nike Air Max 90 - Black/White
識我既人會覺得好奇怪, 做咩我無啦啦會買對AIR MAX呢? 之前未買過, 而且不嬲都買開籃球鞋. 其實, AIR MAX係我一直想買既鞋款之一, 只係覺得唔襯我D褲. 不過我曾經聽過一個RAPPER講, '一個男人應該有一對AIR FORCE 1, 一對AIR JORDAN同一對AIR MAX' 前兩款我都有啦, 而家終於都有埋AIR MAX!

其實有一日, 個日好熱, 我準備出街, 著上JORDAN 3代, 覺得好重, 個一刻我覺得我想著一對又輕又易著既鞋. 咁岩行過鞋舖, 我D職員朋友話有對AIR MAX新返, 個款又OK, 於是就買左啦. LEE對AIR MAX都只係比我自己係夏天著, 襯襯短褲, 都唔錯呀!

Reebok Ex-O-Fit Hi Strap
呢對係我一見到就好想買既鞋! 襯牛仔褲一流! 估計呢兩年HIP-HOP界都應該會流行呢類型既款式.

黑色漆皮, 兩個魔術貼加上前面鞋帶上一大塊皮帶, 比人一種好COOL既感覺! 本身想買芥辣綠色, 可惜香港無, 於是買左有我碼既黑色. 低調得黎又型, 岩我!

Air Jordan 12 - Rising Sun
好型, 真係好型! 平凡既白色卻很搶眼! 我以前都有一對黑紅色, 不過個底甩左, 掉左. 今次朋友打黎話香港會返全白色, 於是即刻叫朋友幫我留一對.

JORDAN 12一直都係我最喜愛既JORDAN鞋款之一, 舒服又好睇, 今次呢對全白色絕對可以著黎出街, 殺死人啦!

Nike Zoom Kobe 5
唔好誤會, 呢對市面上係未有既, 仲未出. 不過呢個係最後畫成圖, 黎緊既目標就係KOBE 5啦, 好期待呀!

最後要講既係感謝神, 比我有能力買波鞋!

AMEN